Ademi takohet me trajnerin e ri të kombëtares, Glihan

15:42 | 11 Korrik 2023
Orgesa Haziri

Presidenti i Federatës së Futbollit të Kosovës, Agim Ademi është takuar me trajnerin e Kombëtares së Kosovës, Primozh Gliha.

Ademi dhe Gliha kanë folur për kualifikimet e Kampionatit Evropian 2024, ku u kërkua nga përbërja e re udhëheqëse e ekipit kombëtar që të jenë sa më të përpiktë dhe të veprojnë konform normativave të FFK-së për ekipin kombëtar.

Gliha premtoi se do të punojë me shumë përkushtim dhe me të gjithë kapacitetin që ka ekipi kombëtar për ta kthyer Kosovën në rrugën e fitores dhe për të arritur rezultate sa më pozitive.

Ndonëse është shumë e vështirë arritja e objektivit, sipas Glihas, rrugëtimi ende nuk ka përfunduar.

Gliha njëherësh ka kërkuar nga të gjithë futbollistët që ta respektojnë maksimalisht fanellën e Kombëtares së Kosovës dhe ta japin maksimumin.

Shpërndaje në rrjete sociale

Lajmet më të lexuara

Të ngjashme

Foto lajm